A información dixitalizada atópase dispoñible no visor xeográfico do Sistema de Información de Ordenación do Territorio e Urbanismo (SIOTUGA) da Xunta de Galicia: http://www.planeamentourbanistico.xunta.es/siotuga/
O documento dá resposta á determinación 7.3.5 das Directrices de Ordenación do Territorio de Galicia, que establece o mandato de desenvolver un sistema de itinerarios que constitúan a Rede de itinerarios de interese paisaxístico e ambiental, que conecte entre si os diferentes elementos de interese paisaxístico, cutural e natural.
Este visor de información xeolocalizada dos espazos suxeitos a algún réxime de protección ou afectados por algunha lexislación de protección do dominio público facilítalles aos operadores económicos unha planificación na xestión forestal respectuosa cos devanditos espazos.
O visor básico da web de mapas.xunta.gal e o comparador de mapas incorporan unha nova cobertura de imaxes de satélite de alta resolución aos mapas de fondo.
A Consellería de Medio Ambiente e Ordenación do Territorio mellora o acceso á información sobre o nivel de ocupación do solo mediante o incremento da calidade dos datos do Sistema de Información sobre a Ocupación do Solo (SIOSE) con maior nivel de detalle cartografiable e unha redución de dúas a unha hectáreas da superficie mínima de representación en zonas agrícolas e forestais.
Co fin de poñer en valor o traballo de campo e de recollida de información que se fixo para a elaboración da Guía de caracterización e integración paisaxística de valados, e dada a imposibilidade de incluír todos os datos obtidos neste documento, ponse en marcha un visor que permite a consulta de toda esta información.
