Ten dispoñibles para consulta 23 mapas:
Visor web que permite localizar e visualizar as zonas de concentración e reestruturación parcelarias, con enlaces aos datos xerais das concentracións que se atopan na web da Consellería de Medio Rural.
O Instituto de Estudos do Territorio, en colaboración coa Amtega, vén de presentar a nova base topográfica galega (BTG10).
O Sistema de Seguimento da Evolución do Uso e Ocupación do Territorio é unha aplicación que permite a consulta e análise das diferentes fontes de información relacionadas coa ocupación e uso do solo.
Sistema de Información Xeográfica Colaborativo de Imaxes da Paisaxe Galega, unha ferramenta sinxela, construída grazas á colaboración de toda a cidadanía, e destinada a poñer en valor as paisaxes de Galicia e proporcionar un repositorio de información útil para a xestión da paisaxe.
Visor web que permite navegar e obter datos a través dunha sorte de mapas coas variables climáticas como complemento para cada variable construtiva que aparece na guía de arquitectura pasiva publicada polo Instituto Galego de Vivenda e Solo. Consultar a guía aquí
Programa de promoción da participación pública na elaboración do Catálogo das Paisaxes de Galicia, contemplado no convenio de colaboración, entre o Instituto de Estudos do Territorio da Xunta de Galicia e o Laboratorio do Territorio do GI Territorio e Biodiversidade da Universidade de Santiago de Compostela.
Visor con información cartográfica relativa aos espazos naturais e á biodiversidade presentes no ámbito da Comunidade Autónoma, estruturada en agrupacións de capas segundo a súa tipoloxía.
Acceso ao portal do Sistema de Información do Ordenación do Territorio e Urbanismo de Galicia, que contén información xeorreferenciada sobre instrumentos de planificación urbanística e que, nunha segunda fase, abordará os instrumentos de ordenación do territorio.
Nodo IDE (Infraestrutura de Datos Espaciais) composto por un visor, servizos web e metadatos sobre a información xeográfica contida no Plan Hidrolóxico da Demarcación Galicia-Costa.
Os nomes xeográficos conforman un conxunto de datos fundamental para o traballo no territorio. O sitio da toponimia de Galicia concentra a información e os traballos que se realizan para a recollida, normalización e difusión dos topónimos galegos.
