Información
Xeral
A Axencia Tributaria de
Galicia pon á súa disposición os medios para que
poida exercer o seu dereito a ser informado dos valores dos bens
inmobles que vaian ser obxecto de adquisición ou transmisión,
conforme ao artigo 34, letra n), da Lei 58/2003, do 17 de decembro,
Xeral Tributaria.
Lembre que para o caso de
bens non
excluídos
da Orde
que desenvolve os medios de comprobación de valores inmobles
situados na Comunidade Autónoma de Galicia,
ten á súa disposición unha ferramenta adaptada
ás mesmas no portal OV
Tributaria.
O sistema de valoración
web de parcelas rústicas require cumprimentar unha serie de
campos con información sobre dos bens a valorar, como son a
situación do ben (concello, parroquia e lugar), superficie,
cultivo e acceso. (Máis información na OV
Tributaria).
A finalidade deste
visualizador é consultar e obter dita información
xa que permite representar xeograficamente unha ou varias
referencias catastrais sobre múltiples capas de información
territorial útiles para determinar aspectos tales como (entre
outros) a parroquia ou lugar, ou a natureza urbanística das
parcelas (consonte ao determinado no Planeamento urbanístico,
todo elo segundo o disposto na lei 2/2016, do 10 de febreiro, do solo
de Galicia (LSG).
Este último
aspecto é de
especial importancia para unha axeitada caracterización da
natureza rústica ou urbana do ben, en especial a teor do
réxime transitorio da LSG.
NOTA
IMPORTANTE:
A
administración municipal é competente nos ámbitos
do urbanismo relacionados co planeamento, xestión, execución
e disciplina urbanística, polo tanto, a única
información con carácter vinculante e efectos xurídicos
é a emitida por esta (art. 25.2 ley 7/1985, de 2 de abril,
Reguladora de las Bases del Régimen Local).
A
información urbanística que se ofrece no visor procede
da obtida do SIOTUGA
(Sistema de Información de Ordenación do Territorio e
Urbanismo de Galicia) e ofrécese coas mesmas consideracións
que as contidas no seu portal web:
http://www.planeamentourbanistico.xunta.es/siotuga/avisolegal.php):
“O
contido facilitado a través deste Portal emítese con
efectos simplemente informativos e non substitúe a publicidade
das disposicións e actos que teñan que ser publicados
formalmente en boletíns oficiais. Aínda que se
efectuarán os esforzos precisos para que a información
contida sexa exacta e actualizada, a Xunta de Galicia non garante a
inexistencia de erros no contido deste Portal, nin que se atope
totalmente actualizado.
A
Xunta de Galicia resérvase a facultade de efectuar, en
calquera momento e sen necesidade de aviso previo, modificacións
e actualizacións sobre a información contida ou na súa
configuración ou presentación.
A
información cartográfica amosada está en proceso
de revisión, actualización e adecuación aos
estándares de calidade esixibles. Existe a posibilidade de
erros de xeoposicionamento nos datos mentres ditos traballos de
revisión non rematen. A información vectorial non ten
validez legal ao tratarse dun produto derivado dos planos do
documento orixinal dilixenciado, pero non formar parte do mesmo.”
Propiedade
intelectual e industrial
Os dereitos de propiedade
intelectual deste sitio web e dos seus elementos contidos son
titularidade da Administración xeral e do sector público
autonómico de Galicia. A información dispoñible
neste Visor, salvo indicación expresa en contrario, é
susceptible de reutilización, quedando autorizada a súa
reprodución total ou parcial, modificación,
distribución e comunicación, para usos comerciais e non
comerciais, con suxeición ás seguintes condicións:
Queda prohibida en calquera
circunstancia a desnaturalización do contido da información.
O usuario queda obrigado a
citar a fonte dos documentos obxecto da reutilización. Esta
licenza non reduce ou restrinxe os dereitos exclusivos do titular
dos dereitos de propiedade intelectual, tales como o deseño
do Visor e códigos fonte, marcas, nomes comerciais, logos ou
signos distintivos, de acordo coa Lei de propiedade intelectual ou
calquera outras leis aplicables.
Uso
de linguas
A
Disposición adicional sexta da Lei 11/2007, do 22 de xuño,
de acceso electrónico dos cidadáns aos servizos
públicos, determina que se garantirá o uso das linguas
oficiais do Estado nas relacións por medios electrónicos
dos cidadáns coas Administracións Públicas, nos
termos previstos na Lei 39/2015, do 1 de outubro, do Procedemento
Administrativo Común das Administracións públicas,
e na normativa que en cada caso resulte de aplicación. A estes
efectos, o Visor posibilitará o acceso aos seus contidos e
servizos en galego e castelán.
