Actualizado o visor xeográfico básico coas seguintes melloras:
Incorporada no localizador das praias xunto coa táboa de mareas correspondente (servizo prestado por Meteogalicia) unha fotografía do voo oblicuo realizado para a elaboración do Plan de Ordenación do Litoral. Deste xeito disponse da información das mareas e unha vista da praia seleccionada.
O Instituto de Estudos do Territorio pon a disposición novos mapas de pendentes dos anos 2009-2010 e 2015-2016 en diferentes servizos web:
Pendentes_Mdt1_PNOA09_10
O Instituto de Estudos do Territorio co apoio da Axencia para a Modernización Tecnolóxica de Galicia pon a disposición unha nova ferramenta para que se poidan enviar achegas ou posibles erros sobre a Base Topográfica de Galicia 2020.
O obxectivo é dispoñer dunha ferramenta para que todas as persoas poidan achegar información, facer achegas ou comunicar os posibles erros advertidos na cartografía publicada polo Instituto de Estudos do Territorio.
O Instituto de Estudos do Territorio pon a disposición as ortofotografías realizadas nos anos 2018 e 2019 pola Dirección Xeral de Ordenación do Territorio e Urbanismo para a elaboración dos Plans Básicos Municipais en diferentes servizos web:
A Consellería de Medio Ambiente e Ordenación do Territorio, a través do Instituto de Estudos do Territorio, coa colaboración da Axencia para a Modernización Tecnolóxica de Galicia (Amtega), vén de incorporar ao centro de descargas distintos arquivos da nova base topográfica de Galicia.
O Plan Básico Autonómico é unha ferramenta indispensable que ten por obxecto delimitar sobre o territorio da Comunidade Autónoma de Galicia a complexa realidade das afeccións derivadas da normativa sectorial e identificar os asentamentos de poboación existentes. Así mesmo, establece unha regulación de carácter xeral dos diferentes usos do solo e da edificación, de acordo coas súas determinacións, a través dunhas ordenanzas tipo.
Desde o pasado 31 de marzo de 2020, está dispoñible na Infraestrutura de Datos Espaciais da Demarcación Hidrográfica Galicia Costa nova información asociada ao proceso de implementación da Directiva 2007/60/CE relativa a avaliación e xestión do risco de inundación na Demarcación, que se atopa baixo a epígrafe de “D2007/60 Mapas Inundables Fluviais ciclo 2021-2027 CP”, e inclúe as seguintes capas:
Periodicamente estamos a actualizar a información accesible nos visores. Nas últimas semanas realizáronse varias actualizacións da información relativa a Árbores e Formacións Senlleiras e a Espazos Naturais de Interese Local (ENIL); estas modificacións xa se ven reflectidas tanto no visor básico coma no visor de conservación da natureza.
Para ámbalas dúas capas actualizáronse tanto os respectivos arquivos de descarga como os seus servizos web.
A nova información xa está incorporada para a súa visualización no Visor Básico e nalgúns dos principais visores da Xunta.
Facilítase a súa descarga en formato vectorial (SHP) no Visor Básico, e en formato PDF nas seccións "Serie Galicia 250K" e "Centro de descargas".
Tamén se pode acceder a esta información a través dos servizos WMS, WMTS e REST:
Servizos de información litolóxica
Un proxecto pioneiro entre a Xunta de Galicia e os concellos de Cambre, Carballo, Oleiros, Lugo e Sanxenxo permitiu obter 341 ortofotografías de gran resolución dos preto de 230 quilómetros cadrados que abrangue o territorio sobrevoado.