O proceso de participación pública para a elaboración das Directrices da Paisaxe tivo lugar entre o 25 de febreiro e o 21 de abril deste ano coa finalidade de recoller a opinión da cidadanía en relación aos obxectivos de calidade paisaxística, é dicir, as preferencias da poboación para a paisaxe da súa contorna, así como sobre as accións de protección, xestión e ordenación da paisaxe desexadas pola xente.

A Consellería de Medio Ambiente e Ordenación do Territorio, a través do Instituto de Estudos do Territorio (IET), vén de poñer en marcha un sistema para o seguimento e análise da evolución e os cambios que se producen nos usos e coberturas do solo (visor de ocupacion do solo), unha información básica para avanzar no camiño da ordenación do territorio.

O obxectivo da xornada é difundir entre os profesionais, empresas e institucións os avances tecnolóxicos e metodolóxicos que se están a producir nas características das Bases de Datos Xeográficas a nivel nacional, autonómico e local.

Dirixido a profesionais e empresas que realizan traballos sobre o territorio, técnicos de Concellos, Deputacións e administración autonómica, así como outros organismos e institucións que traballan con bases topográficas e cartográficas e público en xeral con interese no ámbito da produción e acceso á información xeográfica.

No SIX Colaborativo de Imaxes da Paisaxe Galega, a xente poderá non só ver e localizar fotografías da paisaxe galega, tanto actuais como pasadas, senón que poderá achegar a súa propia visión e perspectiva da paisaxe de Galicia, enviando e compartindo as súas fotografías. Esta iniciativa pode enmarcarse dentro dun fenómeno recente denominado Información Xeográfica Voluntaria ou Participativa (termo acuñado por M. F.

Este novo elemento denomínase “Comparador de mapas” e consiste nunha nova funcionalidade que traballa sobre o visualizador web de cartografía e que lle permite ao usuario ver dúas capas de información xeográfica sobre a mesma zona. Cando se activa, divídese a xanela en dúas metades, e en cada unha delas pódese cargar un mapa ou cobertura fotográfica diferente. A liña que divide o visor pode desprazarse de esquerda a dereita ou de arriba a abaixo, para visualizar a mesma zona alternativamente nos dous mapas.

É un un feito obxectivo que non todas as zonas de Galicia comparten comportamentos climáticos idénticos e que, mesmo compartindo valores idénticos nun gran número de variables climáticas, poderían diferir en gran medida no resto. Por iso non parece efectivo utilizar unha única característica do medio para tomar decisións comúns a todas as estratexias e territorio.

Este novo compoñente da Infraestrutura de Datos Espaciais de Galicia é un elemento esencial para a reutilización da información do sector público, xa que está orientado tanto á descarga de mapas como de ficheiros xeorreferenciados en diferentes formatos a través de Internet.

Esta iniciativa xorde da profunda convicción, por parte da Xunta de Galicia e da Universidade da necesidade de contar cos cidadáns nos procesos de toma de decisións sobre a nosa paisaxe e o noso territorio. Froito desta crenza e das posibilidades que ofrecen as novas tecnoloxías, nace este portal no que, nesta etapa do proceso de elaboración do Atlas, calquera persoa poderá contribuír ao deseño das Directrices de Paisaxe, aportando os seus obxectivos de calidade paisaxística, así como a súa valoración da paisaxe e das posibles medidas de protección, xestión e ordenación da mesma.

O novo visor fai posible a visualización da información xeográfica do Plan de Ordenación do Litoral, ao tempo que permite a súa descarga no sistema de referencia ETRS89 (European Terrestrial Reference System 1989), como novo sistema de referencia xeodésico oficial en España regulado polo Real Decreto 1071/2007 de 27 de xullo, e que dende o ano 2015 obriga a dispoñer a información xeográfica no novo sistema de referencia.

Este documento sométese a exposición pública durante dous meses segundo se anunciou no DOG o pasado 12 de febreiro, e está dispoñible na páxina web do departamento. O texto conta entre os seus principais fitos co establecemento de 207 áreas de especial interese paisaxístico (AEIP) que constituirán a base para determinar a caracterización de solo rústico de especial protección paisaxística que recolle a nova Lei do solo, aprobada esta semana no Parlamento galego.